ليله مطر

المطر نازل ع البيوت والارض بردانه
والليل يضلل ع النهار والشمس هربانه

وكل الناس ف الشوارع بردانين
اللى بيداروا المواجع واللى فرحانين

وتتقابل تحت المطر كل الوشوش
من غير معاد يتفرقوا وميرجعوش

وادى الدفا بيحاوط العشاق
بس الجفا بيموت الاشواق


وكتير خطاوى تايهه فين اراضيها
مطرح مايرميها الهوا تلاقيها

وحسن السما بيدارى وسط الغيوم
والقمر ف الفضا سارح بين النجوم

وورد الربيع ياخسارة كله وقع
وقرص الشمس الدافى تلج سقع

ورغم دا برضه الشتا احلى
وكل يوم المطره دى بتحلا

والارض رغم البروده مرويه
والشمس بتشوفها العيون كل صبحيه

واللى يتوه بخطوته للسكه راح يرجع
وادى النجوم بين السحب باينه اهى بتلمع
والورد دا مسيره يوم للدنيا راح يطلع