نصائح فرعون لعنة الله عليه

السلام عليكم..

تخيلو كده لو أن فرعون لعنه الله صعد على المنبر وبدأ ينصح الناس ..أكنت تظن ان الناس حتسمع كلامه... بالتاكيد ..لأ.. طب ايه رايك ان فى كتير مننا اوى بيدوا ودنهم لناس بينصحهوهم ... طب فرعون علشان هو فرعون عرفنا ان نصايحة زى الزفت..لكن لما بقه صاحبك ينصحك نصايح مهببة يعنى .. حتعمل ايه..تعالى كده بص واتفرج على اللى بيحصل....!!!!!!
ناصح يقول : بص يا عم الريس .. الجامعة ديه عايزة الواد المخربش .. لكن هتعمل فيها بتتحرج وتكسف مش هتنفع ..

وبعدين بص اللي ما يصاحبش بنات في الجامعة مش هينجح ..
طيب إيه علاقة النجاح بمصاحبة البنات .. أصل البنات هم اللي بيذاكروا وبيعملوا الملخصات وانت تيجي آخر السنة تاخد ده على الجاهز ..
( نصيحة ) لكنها نصيحة فرعونية .. فاحذر أن يستخفك فتطيعه ..

ناصح آخر :

يجي يديلك سجارة .. فتقول له لأ أنا ما بدخنش .. ياه وازاي عايش ..

هو في شاب ما بيدخنش .. ؟؟

مطلوب انك تقول له : معلش أنا آسف أنا مقصر ربنا يعني وأبقى اشرب إن شاء الله ..

ويبدأ في النصايح : ده انت كفاية تبقى مخنوق من المشاكل اللي انت فيها ده وتاخد السجارة ده تعدل دماغك .. وبس مقوللكش ..

- ( بس جرب وهتدعيلي )

يقع المسكين مع هذا الناصح .. اللي خايف عليك .. وما تعرفش تسيبها .. زي ما بيقولوا يعني ..

يجيلك ناصح تاني .. أنت عايز تبطل السجاير .. عندي لك أحلى حل :

عملوا سجاير جديدة تخليك تبطل السجاير .. والمسكين ماشي ورا الناصح في دوامة مالهاش نهاية ..

ناصح آخر : يوصيك بعقوق الوالدين ..

بص يا عم .. الأبهات والأمهات دلوقتي عايزين اللي يوريهم العين الحمراء .. هتسمع الكلام هيدولك على دماغك .. لازم تزعق وتشخط .. ومش أي حاجة يقولوها تسمع كلامهم .. لازم يكون ليك شخصية مستقلة .. واحنا في عصر الحرية ..

... وللأسف هذا الناصح فهم .. زي غيره كتير من دعاة الحرية .. فهم إن الحرية معناها التجرأ على المبادي والأسس والتجرأ على الدين والأخلاق ..

علشان كدة استبيحت كثير من الرذائل والمفاسد بدعوى الحرية ..

ناصح يقول : علشان تخلي خطيبك يحبك ويغير عليك .. اتصاحبي على واحد غيره .. وتروح المسكينة تصاحب واحد تاني .. خطيبها يعرف ويطلع جدع .. مع إن قليل جداً إللي بيطلع جدع في هذا الزمان .. يقوم سايبها .. لأنها سمعت نصيحة من واحدة عاملة نفسها بتوصيها .. لكنها ضحكت عليها .. ( فاستخف قومه فأطاعوه )

- ناصح يقول : إيه ده ؟ ! إنت لبست الحجاب .. المفروض تستني لما تتخطبي وبعدين ابقي البسي الحجاب ..

تسمع الكلام وتستنى لما تتخطب .. تقول لها لأ .. لو لبس الحجاب وانت مخطوبة .. مش هتعرفوا تخرجوا وتتفسحوا .. وأحلى خروجات ديه اللي في فترة الخطوبة ..

وهنا أقول لك : احذري .. إياك أن تسمعي لهذه النصيحة .. فالحجاب هو عنوان الحياء وعنوان الجمال .. والشاب في الغالب لا يبحث إلاّ على ذات الحياء والدين حتى لو كان هو غير ملتزم لكن .. لكن هو عارف معنى إيه البنت المتحجبة ..

شفتوا بقه النصايح اللى تودى فى داهية ..فخلى بالكم يا جماعة .. ومحدش يضحك عليكم.. اللهم بلغت ..اللهم فاشهد.

اخوكم فى الله

عاشق القلوب

شكرا حبيبي عاشق القلوب علي النصائح الغالية دي مش بتاعة فرعون بتاعتك طبعا

هههههههههههههههههههههههههههه

ماشى يا موتشا تسلم على ردك